"ماما...اقفلي شباك العربيه عايزه اقول لك حاجه عيب'
انا: " قولي مفيش حد جنبنا"
لين:" طيب... انا بحب اندرو وعايزه اتجوزه...انا بحبه هو بالذات"
محمد ولوله صامته
انا:"طيب بس البنات والولاد الضغيرين ما بيتجوزوش...لما تكبري نبقى نتكلم في الموضوع ده"
لين:" ما انا بتكلم لما نكبر...اصل انا بحبه"
محمد بيكلم نفسه:" ومااله..ديته طلقتين"
انا: " هو مش لازم نتجوز كل اللي بنحبه...ما احنا ممكن نحب حد ونكون اصحاب بس..مش لازم نتجوزه. يعني ما انتي بتحبي سيف...يبقى لازم تتجوزيه؟ لا"
لين...تفكير عميق في لستت اللي بتحبهم وبعدين: "هو ممكن بنت تتجوز بنت؟"
محمد ولوله صامته
انا وبكل تون التتفيه الممكن:" لا طبعا...الراجل والست هما اللي بيتجوزوا"
محمد بيكلم نفسه.."داحنا داخلين على ايام سوداء"
ملحوظه:
بعد اول جمله من لين عن اندرو...محمد قفل الشباك :)
